سینیٹر فیصل واوڈا نے وزیراعظم پاکستان بننے سے متعلق صحافی کے سوال پر دلچسپ جواب دیتے ہوئے کہا ہے کہ اگر ایسے ایسے لوگ وزیراعظم بن سکتے ہیں تو ان جیسے بھی بن سکتے ہیں۔
اسلام آباد میں پریس کانفرنس کے دوران سینیٹر فیصل واوڈا نے خیبر پختونخوا میں گورنر راج اور ایمرجنسی کے نفاذ سمیت ملک کی سیاسی صورت حال اور مستقبل سے متعلق گفتگو کی۔
اس موقع پر ایک صحافی نے ان سے سوال کیا کہ فیصل واوڈا صاحب، آپ وزیراعظم کب بنیں گے؟
صحافی کے اس سوال پر فیصل واوڈا نے جواب دیا کہ ’’اگر ایسے ایسے وزیراعظم بن سکتے ہیں تو میرے جیسے بھی بن سکتے ہیں۔‘‘
فیصل واوڈا کے اس جواب نے پریس کانفرنس میں موجود سیاسی صورت حال کے تناظر میں توجہ حاصل کرلی۔ تاہم انہوں نے اس موقع پر وزیراعظم بننے کے لیے کسی وقت یا باقاعدہ سیاسی منصوبے کا اعلان نہیں کیا۔
