لاہور: وزیراعظم شہباز شریف نے جاتی امرا میں مسلم لیگ (ن) کے صدر اور سابق وزیراعظم نواز شریف سے اہم ملاقات کی۔ ملاقات میں ملک کی مجموعی سیاسی صورتحال، حالیہ غیر ملکی دوروں اور پاک افغان سرحدی معاملات پر تفصیلی تبادلہ خیال کیا گیا۔
ذرائع کے مطابق، وزیراعظم شہباز شریف نے اپنے بڑے بھائی کو بین الاقوامی سطح پر ہونے والی ملاقاتوں اور پاکستان کی خارجہ پالیسی سے متعلق تازہ پیش رفت سے آگاہ کیا۔ اس موقع پر نواز شریف نے گفتگو کرتے ہوئے واضح کیا کہ “پاکستان ہماری ریڈ لائن ہے، پاکستان کی طرف کسی کو بھی میلی آنکھ سے دیکھنے کی اجازت نہیں دیں گے۔”
دونوں رہنماؤں کے درمیان پارٹی کی اندرونی حکمت عملی اور مستقبل کے سیاسی لائحہ عمل پر بھی گفتگو ہوئی، جبکہ ملک کو درپیش چیلنجز سے نمٹنے کے لیے باہمی تعاون پر زور دیا گیا۔
