واشنگٹن: امریکی صدر ڈونلڈ ٹرمپ نے اپنے تازہ سوشل میڈیا بیان میں ایران کو سخت نتائج کی دھمکی دیتے ہوئے کہا ہے کہ اگر مذاکرات میں تاخیر جاری رہی تو تہران کو “بھاری قیمت” چکانا پڑے گی۔
Donald Trump نے اپنی پوسٹ میں Truth Social پر لکھا کہ ایران “صرف باتیں کرتا ہے اور عمل نہیں”، جبکہ انہوں نے اسے “مشرقِ وسطیٰ کا بدمعاش” قرار دیتے ہوئے دعویٰ کیا کہ اب صورتحال بدل چکی ہے۔
ٹرمپ کے مطابق ایران نے کسی ممکنہ معاہدے پر بات چیت میں بہت تاخیر کی، جس کا نتیجہ اب اسے بھگتنا ہوگا۔ تاہم انہوں نے واضح نہیں کیا کہ “قیمت چکانے” سے ان کی مراد کیا ہے۔
یہ بیان ایسے وقت سامنے آیا ہے جب امریکی حکام کے مطابق واشنگٹن نے منگل کے روز ایران کے خلاف نئی فضائی کارروائیاں کیں، جو کہ Strait of Hormuz کے قریب ایک امریکی اپاچی ہیلی کاپٹر کے حادثے کے بعد کی گئیں۔
امریکی عہدیداروں کے مطابق یہ حملے “وارننگ اسٹرائیک” کے طور پر کیے گئے تاکہ ایران کو واضح پیغام دیا جا سکے، جبکہ ساتھ ہی یہ امید بھی ظاہر کی گئی کہ اس سے مذاکراتی عمل متاثر نہیں ہوگا۔
ٹرمپ نے اس سے قبل صحافیوں سے گفتگو میں کہا تھا کہ دونوں ممالک کے درمیان آئندہ دو سے تین دن میں کسی معاہدے تک پہنچنے کا امکان موجود ہے، تاہم تازہ بیان نے صورتحال کو مزید غیر یقینی بنا دیا ہے۔
