ٹھارو شاھ کے قریبی علاقے میں فصل کی ملکیت کے تنازع پر دو گروپوں کے درمیان جھگڑا ہوا جس کے نتیجے میں ایک شخص جاں بحق ہو گیا۔
ذرائع کے مطابق جھگڑا فصل کی دیکھ بھال کے دوران اس وقت شروع ہوا جب دونوں گروپوں نے ایک ہی زمین پر حقِ ملکیت کا دعویٰ کیا۔ تلخ کلامی کے بعد جھگڑا شدت اختیار کر گیا اور پھر ہاتھا پائی تک پہنچ گیا۔
پولیس کے مطابق واقعے میں ایک شخص موقع پر ہی دم توڑ گیا جبکہ چند دیگر افراد زخمی بھی ہوئے ہیں۔ پولیس نے علاقے میں امن قائم کرنے کے لیے اضافی نفری تعینات کر دی ہے اور واقعے کی تحقیقات شروع کر دی گئی ہیں۔
مقتول کی لاش قریبی ہسپتال منتقل کر دی گئی ہے اور فریقین کے درمیان کشیدگی ابھی بھی برقرار ہے۔
