ڈھاکا: پاکستان اور بنگلہ دیش کے درمیان ٹیسٹ سیریز کے پہلے میچ کے پہلے دن کا کھیل ختم ہوگیا، جہاں میزبان ٹیم نے شاندار بیٹنگ کا مظاہرہ کرتے ہوئے مضبوط پوزیشن حاصل کر لی۔
بنگلہ دیش کے کپتان نجم الحسن شانتو نے ذمہ دارانہ اور جارحانہ بیٹنگ کرتے ہوئے شاندار سنچری اسکور کی۔ انہوں نے 130 گیندوں پر 101 رنز بنائے اور ٹیم کو مستحکم بنیاد فراہم کی۔
ان کے ساتھ مومن الحق نے بھی بہترین اننگز کھیلتے ہوئے 91 رنز بنائے، جس کی بدولت بنگلہ دیش نے پہلے دن کے اختتام پر 4 وکٹوں کے نقصان پر 301 رنز بنا لیے۔ تجربہ کار بلے باز مشفق الرحیم 48 رنز کے ساتھ کریز پر موجود ہیں۔
پاکستان کی جانب سے بولنگ میں محمد عباس، حسن علی، شاہین شاہ آفریدی اور نعمان علی نے ایک، ایک وکٹ حاصل کی۔
پاکستان کے لیے بڑا چیلنج
ابتدائی دن کے اختتام پر پاکستان ٹیم کو میزبان بیٹنگ لائن کے سامنے مشکلات کا سامنا ہے، جبکہ میچ میں بنگلہ دیش کی پوزیشن مضبوط دکھائی دے رہی ہے۔
