ایک لیٹر پیٹرول اور ڈیزل پر پاکستانی عوام کی جانب سے ادا کیے جانے والے ٹیکس کی تفصیلات سامنے آ گئی ہیں۔
توانائی کے محکمے کے دستاویزات کے مطابق، ایک لیٹر پیٹرول کی قیمت میں 46 فیصد ٹیکس اور منافع شامل ہے۔ شہری ایک لیٹر پیٹرول پر صرف 211 روپے 26 پیسے ٹیکس ادا کرتے ہیں، جبکہ پیٹرول کی ایکس ریفائنری قیمت 247 روپے 15 پیسے ہے۔
دستاویزات میں بتایا گیا ہے کہ ایک لیٹر ڈیزل پر شہری 59 روپے 12 پیسے ٹیکس ادا کرتے ہیں، جبکہ ڈیزل کی ایکس ریفائنری قیمت 461 روپے 23 پیسے ہے۔
توانائی کے محکمے کے مطابق، ایک لیٹر پیٹرول کی قیمت میں 24 روپے 12 پیسے کسٹم ڈیوٹی اور 7 روپے 52 پیسے ان لینڈ فریٹ مارجن شامل ہیں، جبکہ ایک لیٹر پیٹرول پر آئل مارکیٹنگ کمپنی کا 7 روپے 87 پیسے منافع بھی شامل ہے۔
دستاویزات کے مطابق، ایک لیٹر پیٹرول کی قیمت میں 8 روپے 64 پیسے پمپ ڈیلرز کی کمیشن بھی شامل ہے۔
ایک لیٹر پیٹرول کی قیمت میں 160 روپے 16 پیسے لیوی لاگو ہے اور 2 روپے 52 پیسے کلائمینٹ سپورٹ لیوی بھی شامل ہے۔
ایک لیٹر ڈیزل کی قیمت میں 11.36 فیصد ٹیکس اور منافع شامل ہے، اور شہری ایک لیٹر ڈیزل پر 59 روپے 12 پیسے ٹیکس اور منافع کی صورت میں ادا کرتے ہیں۔
ڈیزل کی ایکس ریفائنری قیمت 461 روپے 23 پیسے فی لیٹر ہے، ایک لیٹر ڈیزل پر 35 روپے 74 پیسے کسٹم ڈیوٹی لاگو ہے، جبکہ ایک لیٹر ڈیزل کی قیمت میں 4 روپے 37 پیسے ان لینڈ فریٹ مارجن شامل ہے۔
فی لیٹر ڈیزل کی قیمت میں 7 روپے 87 پیسے آئل مارکیٹنگ کمپنیوں کا منافع شامل ہے۔
اس کے علاوہ، ایک لیٹر ڈیزل کی قیمت میں 8 روپے 64 پیسے پٹرول پمپ ڈیلرز کی کمیشن اور 2 روپے 50 پیسے کلائمٹ سپورٹ لیوی بھی شامل ہے۔
