بین الاقوامی: دنیا کے 100 بہترین اسپورٹس شہروں کی 2026 کی درجہ بندی جاری کردی گئی ہے، جس میں امریکی شہر نیویارک نے پہلی پوزیشن حاصل کرلی، جبکہ فہرست میں پاکستان کا کوئی بھی شہر جگہ بنانے میں کامیاب نہیں ہوسکا۔
سوئٹزرلینڈ کے ادارے برسن کی جانب سے جاری کردہ اسپورٹس سٹیز رینکنگ میں دنیا بھر کے ان 100 شہروں کو شامل کیا گیا ہے جن کا کھیلوں کے شعبے سے مضبوط تعلق ہے۔
رینکنگ کے مطابق پیرس دوسرے اور لاس اینجلس تیسرے نمبر پر موجود ہیں، جبکہ لندن نے چوتھی اور میڈرڈ نے پانچویں پوزیشن حاصل کی۔
نیویارک پہلی پوزیشن پر کیسے پہنچا؟
رپورٹ کے مطابق پیرس مسلسل تین سال تک عالمی اسپورٹس سٹی رینکنگ میں پہلی پوزیشن پر رہا، تاہم 2026 میں نیویارک نے گزشتہ رینکنگ میں تیسرے نمبر سے ترقی کرتے ہوئے پہلی پوزیشن حاصل کرلی۔
نیویارک کی رینکنگ میں بہتری کی اہم وجوہات میں این بی اے چیمپئن شپ اور فیفا ورلڈ کپ کے فائنل سمیت بڑے عالمی کھیلوں کے مقابلوں سے شہر کی وابستگی کو قرار دیا گیا ہے۔
رینکنگ کی تیاری میں کھیلوں کے ماہرین، اسپورٹس میڈیا اور عالمی کھیلوں سے وابستہ شخصیات کی آرا شامل کی گئیں، جبکہ سوشل میڈیا پر کھیلوں سے متعلق سرگرمیوں اور میڈیا کوریج کا بھی تجزیہ کیا گیا۔
ٹاپ 10 اسپورٹس شہر
عالمی درجہ بندی میں نیویارک کے بعد پیرس دوسرے اور لاس اینجلس تیسرے نمبر پر ہیں۔
- 1۔ نیویارک
- 2۔ پیرس
- 3۔ لاس اینجلس
- 4۔ لندن
- 5۔ میڈرڈ
- 6۔ بارسلونا
- 7۔ میلان
- 8۔ لوزان
- 9۔ دیگر شہر
- 10۔ مانچسٹر
اس کے علاوہ واشنگٹن 11ویں اور میامی 12ویں نمبر پر موجود ہے۔
ایشیا اور خلیجی شہروں کی پوزیشن
رینکنگ میں ٹوکیو 16ویں، سڈنی 24ویں اور دبئی 29ویں نمبر پر ہے۔
بھارت کے ممبئی نے 51ویں اور نئی دہلی نے 65ویں پوزیشن حاصل کی، جبکہ سعودی عرب کا ریاض 68ویں نمبر پر موجود ہے۔
فہرست میں کیپ ٹاؤن 85ویں، جدہ 98ویں اور جاپان کا ساپورو 99ویں نمبر پر شامل ہیں۔
پاکستان کا کوئی شہر فہرست میں شامل نہیں
2026 کی دنیا کے 100 بہترین اسپورٹس شہروں کی فہرست میں پاکستان کا کوئی بھی شہر شامل نہیں ہوسکا۔
فہرست میں دنیا کے بڑے کھیلوں کے مراکز اور ایسے شہر نمایاں ہیں جہاں عالمی سطح کے کھیلوں کے مقابلے، اسپورٹس انفرااسٹرکچر، کھیلوں سے متعلق میڈیا کوریج اور بین الاقوامی کھیلوں کی سرگرمیاں زیادہ ہوتی ہیں۔
