پاکستان قومی سلامتی اجلاس وزیراعظم شہباز شریف کی صدارت میں اسلام آباد میں شروع ہوچکا ہے، جس میں سول و عسکری قیادت موجود ہے۔ اجلاس میں خطے کی تیزی سے بدلتی صورتحال خصوصاً ایران پر امریکی و اسرائیلی حملوں کے تناظر میں اہم فیصلے متوقع ہیں۔
ڈان نیوز کے مطابق اجلاس میں نائب وزیراعظم، وزیر دفاع، وزیر داخلہ، فیلڈ مارشل عاصم منیر، مسلح افواج کے اعلیٰ نمائندے اور دیگر کلیدی حکام شریک ہیں۔ اجلاس میں پاکستان قومی سلامتی اجلاس کے ایجنڈے میں علاقائی خطرات، اندرونی سلامتی، اور ایران کے ساتھ یکجہتی جیسے موضوعات پر غور کیا جا رہا ہے۔
واضح رہے کہ گزشتہ روز وزیراعظم ہاؤس سے جاری بیان میں کہا گیا تھا کہ اجلاس پیر کی دوپہر 12 بجے طلب کیا گیا ہے، جس میں اہم وزرا اور عسکری قیادت شریک ہوگی۔
ذرائع کے مطابق اجلاس میں ایران، اسرائیل اور امریکہ کے درمیان جاری تنازع پر تفصیلی مشاورت ہوگی، جب کہ ایران کی حمایت، سفارتی حکمت عملی اور ممکنہ علاقائی کردار پر بھی فیصلے متوقع ہیں۔
مزید بتایا گیا ہے کہ فیلڈ مارشل عاصم منیر اجلاس کو اپنے حالیہ امریکی دورے اور صدر ٹرمپ سے ملاقات کی تفصیلات سے آگاہ کریں گے۔
پاکستان قومی سلامتی اجلاس میں اندرونی و سرحدی سیکیورٹی صورتحال، عالمی تناؤ کے اثرات اور پاکستان کی حکمت عملی پر غور کیا جا رہا ہے، جس کے بعد ایک باضابطہ اعلامیہ جاری ہونے کا امکان ہے۔
